SARRERAK
Emanaldiari dagokion data duen sarrera besterik ezin izango da erabili aretoan sartzeko. Bezeroari sarrerak galtzen edo hondatzen bazaizkio edo lapurtzen badizkiote, Gayarre Antzokiak ez du erantzukizunik hartuko bere gain.
SARRERAK ITZULTZEA
Gehienez emanaldia baino hiru egun lehenagora arte onartuko dira, itxaron-zerrenden kudeaketa errazteko. Zerbitzu honek 1€ bateko balioa izango du itzulketa bakoitzeko. Ez da dirua itzultzen, etorkizuneko erosketetan erabili ahal izango den kreditu bat duen txartel bat baizik.
TARIFA- ALDAKETAK eta DOIKUNTZAK
Behin erosketa-prozesua osatuta, tarifetan ez da beheranzko aldaketarik onartuko.
PUNTUALTASUNA
Behin ikuskizuna hasi denean, ezin izango da aretoan sartu. Komeni da sarrerak erostean gogoan hartzea ordutegiak.
PROGRAMAZIO-ALDAKETAK
Gayarre Antzokiak, hala behar izanez gero, iragarritako datak, ordutegiak, programak eta interpreteak aldatu ahal izango ditu.
GRABAZIOAK ETA ARGAZKIAK
Guztiz debekatuta dago aretoaren barnean filmatzea edo grabatzea.
TOPAKETAK IKUS-ENTZULEEKIN
Gayarre Antzokiak topaketak antolatzen ditu: zenbait emanaldiren ondoren (programan, mikrofonoaren irudia jarrita daude seinalatuta), ikus-entzuleek aktoreekin edo zuzendariekin egoteko aukera dute. Emankizunaren ondoren egiten dira. Sarrera doakoa da.
ADIN TXIKIKOEN SARRERA ANTZOKIRA
Gayarre Antzokian, zuzeneko ikuskizun eta arteetako beste erakunde askotan bezala, aretora sartzen den pertsona orok, adina alde batera utziz, sarrera izan behar du. Adin txikikoek, zehazki, beren eserlekuan esertzeko gai izan behar dute, laguntzarik gabe, eta ikuskizunaren bilakaerari erreparatzeko gai ere izan behar dute, gainerako ikusleek arreta ez galtzeko edota gogaitzeko. Bestela, Gayarre Antzokiko aretoko langileek dagokion arduraduna gonbidatuko dute aretotik irten daitezen.
Tutoreek erabaki behar dute beren ondorengoak ikuskizun bat ikustera eraman behar dituzten ala ez. Gayarre Antzokia ez da erantzule egiten pertsona helduek, ondoren, ikuskizuna egokia ez dela uste badute. Normalean Gayarre Antzokiak ez du jaioberrientzako programaziorik eskaintzen. Haurrentzako ikuskizunei dagokienez, egiaztatu webgunean, mesedez, kasu bakoitzean gomendatutako adina sarrerak erosi aurretik.
12 urtetik beherakoak heldu batek lagunduta sartuko dira aretora, adingabearen arduradun gisa, Gayarre Antzokian dagoen bitartean.
12 eta 18 urte bitarteko adin txikikoak bakarrik sartu ahal izango dira, betiere aitaren, amaren edo legezko tutoreen idatzizko baimena antzokiko sarreran erakusten badute. Baimenaren dokumentua hemen deskarga dezakezu.
ITSUENTZAKO SAIOAK
Nafarroako Retinosi Pigmentarioaren Elkartearen laguntzarekin.
Entzumen deskribapena: Mikel San Julián.
HOBEKI ENTZUTEKO
Entzungailuen sistema bat dago aretoan. Hartara, entzungailuak jarrita soinuaren seinale anplifikatua jaso daiteke. Horrez gain, begizta magnetikoaren zerbitzua eskaintzen da ikuskizun guztietan, eta horrek ahalbidetzen du audio-seinalea ongi iristea audifonora, hondoko zarata kenduta.
MUGIKORTASUN MURRIZTUA
Gayarre Antzokian toki bat gordetzen da mugikortasun murriztua duten pertsonentzat, beheko jarlekuetan. Mesedez, txartelak erostean jakinarazi behar da.
SOINU- ETA ARGI-SEINALEAK
Sakelakoaren argiak edo soinuak eragotzi egiten die inguruko pertsonei eta oztopatu egiten du lan artistikoa. Horrenbestez, arren eskatzen da sakelako telefonoak eta mota guztietako alarmak eta pantailak deskonektatuta izateko aretoaren barnean.
ANFITEATROAN, altuera eta ikuspegi kontu batengatik, ezin da agertoki osoaren ikusgaitasuna bermatu.