Inés Boza eszenatokira igoko da berriro, iragana eta oraina konektatzeko, ahanzturaren eta memoriaren arteko joko apetatsua miatzeko eta belaunaldi ezberdinetako emakumeen ahotsei lekua emateko.

Bartzelonako Mercat de les Flors-en estreinatua, "Els ponts de la memoria" atzerabegirakoan oinarrituta sortu da pieza, artista iruindarrak bere ibilbideari eta orainaldiarekin dituen loturei buruz egindakoa.

Edurne Arizu akordeoi jotzaile eta konpositorearekin eta emakumezko sortzaile gazteenen online ahotsekin batera taularatuko da.