Gayarre Antzokia irakasleentzako doako jardunaldi hauen egoitza izango da. 2016ko Vianako Printzea Kulturaren Saria jaso zuen Ignacio Aranguren irakasleak bultzatuta, eta Nafarroako Gobernuko Hezkuntza Departamentuaren laguntzarekin, zortzigarren ediziora iritsi dira, pandemiaren ondorioz bi urteko geldialdiaren ondoren.
"Sortze-antzerkia" lemapean, Josune Iglesiasek, haur eta gazteen hezkuntza eta kudeaketa emozionalerako antzerkiko irakasle espezializatuak, ikasleak antzerkira hurbilduko dituen proiektu bat garatzeko gakoak emango ditu hainbat saio teoriko eta praktikoren bidez.
Topaketa hauek antzerki-teknikak ikasgelan bertan zein ikasgelatik kanpo erabiltzeko interesa duten Lehen Hezkuntzako, DBHko eta Batxilergoko edozein espezialitatetako profesionalei zuzenduta daude. Parte-hartzaileek hogeita hamar orduko ziurtagiri ofiziala jasoko dute, CAPak eta Nafarroako Gobernuko Hezkuntza Departamentuak emana.
DATA, ORDUTEGIA ETA LEKUA: azaroko hurrengo larunbatetan, 5, 12, 19 eta 26 eta urtarrilaren 21ean. | 10:00etatik 14:00etara. | Lekua: Gayarre Antzokia (entsegu gela).
IZEN-EMATEA: CAParen bidez, Irakasleentzako Prestakuntza atalaren bitartez, ikastetxeetara bidaltzen den online deialdian izena eman beharra dago aurretik.